Здраво Администратори,
Не сум сигурен дека ова прашање припаѓа во оваа тема, па мојата неодлучност ја ставив прво на Ваше видување...
Имено, сакам да подарам некому компјутер ...
Тоа е проблем бидејќи можеби ова требаше да биде понудено во темата: Огласи. Но, најдобро е Вие да одлучите и проследите со оглед на Вашите широки контакти.
Тоа е проблем бидејќи можеби ова требаше да има поинакво значење во темата: Религија. Но, верувам дека добрата мисла е присутна и кај оние кои пишуваат и читаат и во другите теми.
Тоа е проблем бидејќи не знам кому би го подарил. Најдобро е на оној кој нема можности сам да си го дозволи, а има потреба од вакво глупаво средство. Но ние луѓето не си ги знаеме потребите и мислиме дека ни треба се она што си го посакуваме, а не само она малку што ни е потребно за спасение. Како и да е, очекувам тој некој да не се избере самиот, туку да биде предложен од нас поради бескрајно ценетата скромност... И исто така очекувам да не се јави никој, бидејќи денес секој тинејџер му вреска на своите родители (колку и да се сиромашни) додека не му ја обезбедат смртоносната машина.
За мое оправдание во прилог се зборовите на Апостол Павле до Коринтјаните во второто послание: Секој нека даде како што одлучил во срцето, а не со жал и не од принуда, зашто Бог го љуби радосниот дарител.
Ве поздравувам со надеж дека ќе ми помогнете во оваа комплексна равенка...
Не сум Администратор ама најубо компјутерот однеси го во Домот за деца без родители.
